Rreth klubit

Klubi i Basketbollit Deçiq u themelua në vitin 2021 në Tuz, si klub në pronësi të Komunës së Tuzit. Emrin e mban sipas malit Deçiq, i cili ngrihet mbi qytet dhe që gjendet edhe në stemën e klubit. Ngjyrat e klubit janë e kuqja, e zeza dhe e bardha.

Klubi garon në Ligën e Parë A të basketbollit të Malit të Zi, ndërsa ndeshjet e shtëpisë i luan në Tuz. Përveç ekipit të seniorëve, klubi drejton shkollën e basketbollit nëpër të cilën kalojnë më shumë se 180 fëmijë nga Tuzi dhe rrethina.